General Santos City – Gi-inagurahan ni Gensan City Mayor Lorelie Geronimo Pacquiao ang Road Improvement with Drainage System project sa Andrade Street hangtod sa Aparente Street sa Barangay San Isidro kagahapong adlawa, Oktubre 30, 2024.
Kini nga proyekto, nga nagkantidad og P12 milyones ka pesos gikan sa pondo sa siyudad, nagpakita sa dedikasyon sa lokal nga kagamhanan sa pagpalambo sa imprastraktura alang sa mas luwas nga kadalanan ug pagpugong sa pagbaha sa komunidad.
Ang katumanan sa maong proyekto kabahin sa tumong matud pa sa administrasyon ni Mayor Pacquiao nga mahatagan og taas nga kalidad nga serbisyo ang mga lungsuranon niini. (Rem Agdon)
(Source: CMO)