Ozamiz City Police Major Espenido ikinalugod ang naging hatol na guilty kay Parojinog Jr.

Ikinalugod ni Ozamiz City Police Major Jovie Espenido ang naging hatol na guilty ng Quezon City Court laban kay Reynaldo Parojinog Jr.

Personal na dinaluhan ni Espenido ang promulgation ng kaso ni Parojinog kung saan isa siya sa mga tumayong testigo.

Ayon kay espenido, nagpapasalamat siya sa panginoon sa naging pasya ng korte sa kaso.

Maituturing aniya itong pabuya para sa mga pagsisikap ng pulisya.

Kasabay nito, umaasa si Espenido na magkakaroon din ng katulad na hatol ang iba pang kasong kinahaharap ng pamilya parojinog gayundin ng iba pang drug case sa bansa.

Magugunitang, pinangunahan ni Espenido ang magudong operasyon sa tahanan ng mga Parojinog na ikinasawi ni dating Ozamiz City Mayor Reynaldo Parojinog Sr., maybahay nito at 13 iba pa.