Oxygen Supply Sa JRBGH, Bastante Pa

0
147

Bastante pa ang supply sa oxygen sa JR Borja General Hospital.

Kini ang gibutyag ni Mayor Oscar Moreno atol sa daily presser niadtong Sabado human nakisayod ang mayor kang Dr. Ramon Moreno, ang Chief of Hospital sa JRBGH.

Ang pamahayag gihimo sa mayor tungod sa kabalaka sa uban nga nagmihit ang supply sa oxygen dinhi sa syudad tungod na usab sa taas nga panginahanglan sa mga pasyente, ilabina kadtong natakboyan sa Covid-19.

Mapasalamaton si Mayor Moreno sa liderato ni Dr. Moreno sa pagdumala sa City Hospital, sanglit daghan ang mga hagit nga giatubang karon sa maong balay-tambalanan.

Dugang pa sa mayor nga dako kaayo og tabang ang taas nga kasinatian ni Dr. Moreno sa Northern Mindanao Medical Center kon NMMC aron maplastar ug mahan-ay ang operasyon sa JRBGH.

Ning bag-o, midawat na og admission sa mga pasyente sa Covid ward nga anaa sa third floor sa Pimentel building sa maong ospital, samtang gi-convert na usab ang TB Pavilion isip dugang nga Covid ward.

Nanghinaut usab si Mayor Moreno nga magamit na sunod bulan ang main Covid ward sa fourth floor sa Pimentel building sa City Hospital.

(Source: City Hall Press Briefing)

Leave a Reply