Cagayan de Oro – MALAMPUSONG gipahigayon ang ‘Kinanao Awards 2024,’ Hulyo 26, diha sa City Tourism Hall, ning siyudad.
Atol sa awarding ceremony, gipasidunggan ang outstanding organizations ug scholars ubos sa tulo ka kategorya: Individual awards, Project-based awards ug Organization awards.
Lakip sa mga gipasidunggan sa Project-based award ug Organization awards ang City Scholars Association sa PHINMA-COC, University Scholars ug Ignacian Marian Oro Scholars sa Outstanding Organization Awardee: School-based, Lakbay Teknolohiya alang sa Outstanding ISLA project award, Outstanding Organization Awardee: Community-based mao ang ISDA Tumpagon Organization.
Samtang sa Individual awards, gipasidunggan si Crist Israel Millare sa Pablo Magtajas Outstanding Leadership award.
Nahimo usab Exemplar Awardees sila si Ray Oliver Sab Amante, William Ace Aranez, Fil Grace Ayco, James Manas, Crist Israel Millare, Joven Charles Tabla ug SHORE-SKwela; Outstanding volunteer of the year usab sila si William Ace Aranez, Lovely Mae Cabodbod, John Clark Obsioma, Giddy Nalogon ug Kenneth Navares.
Ang ‘Kinanao Awards’ usa ka tinuig nga search nga gipangulohan sa City Scholarships Office ubos ni Richel Petalcurin-Dahay agi’g pag-ila sa mga outstanding organizations ug scholars ubos sa tulo ka kategorya: Individual awards, Project-based awards ug Organization awards.
Nasayrang ang City Scholarship program usa sa prayoridad ni Mayor Klarex Uy, gani man kasamtangan anaa na sa kapin 15,000 ka city scholars sukad sa iyang paglingkod isip mayor uban sa pagmugna sa scholarship program alang sa ‘Law School’ ug ‘Medical School.’
Mitambong sa kalihokan sila si Committee on Education Chairperson City Councilor Suzette Magtajas-Daba kinsa mirepresentar ni Mayor Klarex Uy, mga partner schools ug uban pa.
News and photo courtesy of CIO CDO