Seis miembros del grupo terorista local el ya decidi abraza paz y ya rendi de ila mga armas de fuego na autoridad na provincia del Maguindanao del Sur, asegun con el militar del Sabado.
Asegun con el 6th Infantry Division (6ID), el mga miembros del grupo de terorista local ya rendi con mga personajes del 92nd Infantry Battalion (92IB) del Jueves na Barangay Salbu, Datu Saudi Ampatuan, Maguindanao del Sur.
Si Major General Antonio Nafarrete, el interino comandante del 6ID y Joint Task Force Central, ya habla cay aquellos quien ya rendi amo mga residuo del facciones de Karialan y Bungos del Bangsamoro Islamic Freedom Fighters (BIFF).
Asegun con Nafarrete, el mga armas de fuego que ya entrega el mga rendidores con el 92IB ta inclui M79 Grenade Launcher, two rifles M14, Rocket Propelled Grenade Launcher y un Sniper Rifle.
Asegun con Nafarrete, ya puede sila sustene el impulso del campaña siendo mucho ya del mga miembros del grupo de terorista local el ya beneficia el fruta del paz por medio de denunciar de ila afiliaciones con el grupo.
Asegun con Nafarrete, el militar firmi hay recivi con aquellos quien hay decidi rendi y vivi un pacifico vida.
“El gobierno hay proporciona con ustedes servicio, indluido ayuda financial y de busca lavida para principia ustedes un nuevo vida,” si Nafarrete ya habla. (B. Garcia)