Mainit, Surigao del Norte – Malampuson nga gipahigayon sa Local Health Insurance Office Surigao City ang KonSulta Service Delivery Caravan ug Outreach Program ngadto sa mga Lumad sa Barangay Cantugas, Mainit, Surigao del Norte nga gipahigayon sa Cantugas Cultural Minorities Elementary School Hall.
Kini nahimong malampuson pinaagi sa pakig-alayon sa Municipal Government sa Mainit, Surigao del Norte pinaagi sa RHU ug Family Planning Center niini nga gipangulohan sa ilang Municipal Health Officer nga si Dr. Jesie U. Aguilera.
An Panggamhanan sa Munisipyo sa Mainit nga girepresentahan ni Sangguniang Bayan Chairman, Committee on Health Hon. Edna Beltran, Cantugas Barangay Council pinangulohan ni Barangay Captain Perfecto S. Galvez, Jr. ug Barangay Cantugas Sangguniang Kabataan Officials pinangulohan ni SK Federated President Johnril B. Odtojan hingpit nga misuporta sa aktibidad nga gipahinungod sa mga lumad niini.
An maong kalihukan gitambungan sa 112 ka mga IP nga naka-avail sa serbisyo sa PhilHealth KonSulta. Atol sa caravan, narehistro sila sa RHU ug Family Planning Center – Mainit aron mahimong KonSulta Package Provider.
Gisundan dajon sa First Patient Encounter (FPE) diin gikuha an ilang vital statistics ug gibug-aton ug gihimo an health assessment.
Human sa ilang profiling, sila an jaoy indibidwal nga konsultasyon ni Dr. Jesie U. Aguilera. Kadtong jaoy mga reseta gihatagan dajun sa mga tambay an ilang nga ilang gikinahanglan pagkahuman sa ilang konsultasyon. Jaoy 10 ka mga partisipante nga nakapahimo sa ilang urinalysis ug 2 an jaoy kompletong blood count pinaagi sa laboratory service sa RHU.
Gitapos an kalihokan pinaagi sa pag-apod-apod sa mga grocery packs sa Chief Social Health Insurance Officer sa Local Health Insurance Office sa Surigao City nga si Ms. Sheila M. Lisondra alang sa matag pamilya isip kabahin sa Outreach Program alang sa PhilHealth’s 29th Anniversary Celebration. (Ronda 21 Mark James Lisondra, photo courtesy of Philhealth Surigao)