Singkwentay-tres (53) na ka mga taga-Sarangani Province ang naka-recover sa COVID-19.
Sa labing ulahi nga report sa Department of Health Region 12, laing pito (7) ka mga taga-Sarangani ang naka-recover sa Coronavirus. Buot pasabot niini, anaa na lang sa trese (13) ka mga Sarangan ang naghulat sa negatibo nilang resulta sa ilang mga swab test aron hingpit ng makauli sa ilang mga pinuy-anan.
Anaa sa otsyenta (80) porsyento nga recovery rate.
Apan dili gihapon mu-relax tungod daghan pang muabutay nga mga LSI ug OFW.
Tumanon sa gihapon ang mga safety ug quarantine protocol samtang wala pay bakuna.
Padayon lang ang panawagan ni Governor Steve Chiongbian Solon kauban sila Senador Manny ug Congressman Ruel Pacquiao, Vice Governor Elmer De Peralta, tanang board member ug mga mayores, nga walay magkumpyansa aron walay mahitabo nga community transmission.
Padayon matud pa nga musuot og face mask, dos metros (2m) nga physical distancing, dili mudungan sa panagtapok sa tao, manghugas pirme sa mga kamot, ug magpuyo sa balay kung walay importanteng lakaw.
Gihandos na ni Governor Solon ngadto sa Sangguniang Panlalawigan ang Total Resource A-I-P o Annual Investment Program alang sa musunod nga tuig 2021.
Basihan kini sa paga-mugnaon nga year 2021 annual budget sa probinsya.
Naka-angkla ang Total Resource AIP sa paghimutang sa Sarangani Province sa recovery period sa musunod nga tuig ingkaso may maimbento ng bakuna sa COVID-19 karon nga tuig.
Padayon usab mututok ang AIP sa prayoridad nga mga proyekto ug aktibidad sa Sulong Sarangani flagship program taliwala sa Coronavirus pandemic aron padayong maserbisyuhan ang mga katawhan.
(Source: Provincial Information Office – Sarangani Province)