Gi-aprobahan na ni Butuan City Mayor Engr. Ronnie Vicente Lagnada ang SP Ordinance No. 6168-2020 kun An Ordinance prescribing the rates of fees for the Rapid Diagnostic Test (RDT) and Reverse Transcription-Polymerase Chain Reaction (RT-PCR) Test nga himuon sa Butuan Medical Center.
Nagkantidad sa 850 pesos ang Rapid Diagnostic Test kun RDT alang sa mga residente sa dakbayan samtang 1,000 pesos ang bayad kung dili residente sa syudad.
Samtang sa Reverse Transcription -Polymerase Chain Reaction kun RT-PCR Test muabot sa 3,500 pesos ang bayaran kong residente sa Butuan City ug 4,500 pesos ang bayad sa dili residente sa syudad.
Kinahanglan lamang ipakita sa mga residente sa Butuan ang Barangay Certificate of Residency, COMELEC ID ug bisan unsang valid IDs nga makapamatuod nga nagpuyo sa dakbayan.
Sa Section 4 sa ordinansa nakalatid nga ang Butuan Medical Center lamang ang gitugutan nga mukolekta sa bayad basi sa pagsunod sa existing and standard government accounting and auditing rules and regulations.
(Source: Butuan City PIO Facebook page)
