Davao City – Giduso karon sa Davao City Council ang usa ka ordinansa nga mosilot sa mga prank callers.
Kini human nasuta nga daghang binuang nga tawag ang nadawat sa Central 911 call center nga nakabalda sa linya sa komunikasyon.
Sumala sa Chairperson sa committee on peace and public safety sa Davao City Council nga si Councilor Luna Acosta, tuig 2022, nakadawat ang Central 911 og 394,531 ka tawaag ug anaa lamang sa 48,316 ang emergency calls.
Mas daghan matod pa ang nuisance o prank callers kon itandi sa emergency calls.
Dugang pa ni Acosta nga inay matagad ang emergency calls, daghan pa hinuon ang matagad nga mga prank calls.
Samtang, Anaa sa 60 percent sa kinatibuk-ang tawag nga nadawat sa Central 911 call center ang makonsidera nga nuisance kon prank calls. (Camille Santos Naraga)
(Source: Davao City 911)
