Iriga City—lehitimong orden sana hali sa saiyang superior na opisyal sa Philippine National Police an makakapahali sa acting chief of police kan Iriga PNP na si P/Lt. Col. Jonathan Alayan.
Iyo ini an ipinahayag kan opisyal sa sarong ambush interview kasu-bagong pagka-aga antes na magpasiring sa kampo semeon ola, katakod kan paapod na conferencia ni B/Gen. Bartolome Bustamante, an Regional Director sa Bicol.
Sa pahayag ni Alayan, orden sana kan halangkaw na opisina an saiyang susunudon.
Inot kaini, mismo an Liga ng mga Barangay sa cuidad an nagpasar nan in resolusyon na hinahagad sa liderato kan PNP na siya tulos na maribayan, alagad an sinambit na resolusyon an dai pa man nareresibe kan opisina ni Alayan.
Magigirumduman na nagin maalsom an relasyon kan hefe kan Iriga PNP asin ni Alcalde Madel Alfelor, matapos na isumbong an inot na soboot nag-apod sa opisina kan BAC sa dai maaraman na rason, alagad tulos man na pinahimutikan kan opisyal. (OIC Melvin Barayoga, RPN DZKI)
Source: PNP Iriga City