Dakong pasalamat sa mga opisyal ug staff sa Maritime Industry Authority kon MARINA XII nga nakabasi sa syudad sa Gensan tungod human sa gipahigayong rapid test sa milabayng mga adlaw walay bisan usa ang nagpositibo sa gikahadlokang makamatay nga sakit ang Covid-19. Kini ang gikumpirma ni Regional Director Annabell Lagas sa dihang nakuhaan ug statements via FB messenger chat karong buntag.
Matud pa ni Regional Director Lagas sa MARINA XII nga kabubut-on sa maong buhatan sa iyang liderato nga magpa rapid test batok covid aron masiguro nga luwas sa maong virus sanglit ang ilang buhatan ang ginaadtuan sa daghang mga tawo ilabina mga seafarers kon mga Marino ug mga laiason officers sa mga dagkong fishing company sa syudad ug sa Sarangani Province nga posibleng nagdala ug virus.
Apan una nang gipamayahag niini nga nagpatuman ang ilang buhatan ug saktong health protocol susama sa pagbutang ug hand washing area sa gawas sa ilang opisina , alcohol kon dis- infectant , logbook sa tanang mga kliyente , no facemask ug no face shield – no entry policy ug naka transparent plastics ang mga bintana isip barrier sa mga kliyente aron masiguro nga luwas gikan sa Covid-19 ang mga empleyado.
Dakong pasalamat ni Lagas sa Provincial Health Office ug kang Governor Steve Chiongbian Solon sa Sarangani Province sa paghatag ug pagtagad sa ilang hangyo sa maong rapid test mismo sulod sa opisina sa MARINA XIIÂ pinaagi sa mga health frontliners .
Nasayran nga gikan sa pagsugod sa maong global covid 19 pandemic bulan sa Marso 2020 ug hangtud karong bulan sa Agosto wala misirado ang buhatan sa MARINA XII sa paghatag ug pagtagad sa ilang mga kliyente apan kanunayng nag obserbar sa health protocol ilabina social distancing.
(Roniel Degorio, RPN DXDX Gensan)