Pahayag kang IMT/MESU
Kang naka aging petsa 14 na banggi, ang DILG officer, na naka assign sa satong banwaan, nag informar na kaipuhan mag contact trace sa sarong tawo na taga Pili. Sa validong impormasyon na ini nakaibahan sa eroplano kang primerong kaso na new variant kan Covid sa satong nasyon.
Hinanap o pinag trace tulos ang nasabing tawo. Base sa naging contact tracing o imbestigasyon ini ang nakuang inpormasyon o detalye.
Sarong lalaki, 38 anyos, OFW, nag haling Dubai(originally from Damam,KSA)
Petsa 7, kang Enero-nag abot sa Pilipinas, sa aldaw man na iyan, sya nag pasairarom sa pag swab(RT-PCR), asin pansamantalang pinag quarantine sa sarong Hotel.
Petsa 9,kang Enero-nag luwas ang resulta na NEGATIBO Su sinabing tawo, tinugutan na mag uli, gamit ang pribadong lunadan.
Petsa 13, kang Enero-sinda nag abot sa satong banwaan, kaibanan nya ang saiyang agom asin sarong driver,ang driver na ni na tugang kan agom nya tulos man nag puli sa sarong barangay sa Laguna pakahatod sa mag agom dgd sa Pili.
Bago pa man sinda nag uli, ang saindang partidaryos, nag hanap na ning ma dadagusan na harong na sinda sana, sa pag sunod asin pagpadagos kang saindang pag quarantine.
Sinda man, nag pa isi kan saindang kamugtakan o status sa barangay.
Pinautob kang BHERT kang nasabing barangay an STRICT Home Quarantine asin ang pag monitor
Hangang sa mga panahon na ini, ang nasabing OFW asin kaibanan ay asymptomatic, o maung namamati na konektado sa COVID.
Ang MESU Pili, tig informaran, kang RESU/PESU na mag kaka igwa ning pag utro ning swab testing (January 17,2021).
Ang LGU pili, sa pa agi kang IMT/MESU, minamawot pirmi ang kaligtasan kang satong komunidad laban sa pandemyang ini., kaya pa dagos ang panganagapudan sa gabos na kahimanwa sa pag sunod kang Minimum Health Standard, tamang pag gamit kan face mask, face shield, social Distancing, pag gamit nin alcohol, pag hugas kamot, pag plano kan mga kalakawan.
Hinahagad mi man giraray ang pag respeto sa satong mga kahimanwa na nagaagi sa pagsubok na ini sa pagsunod kang DATA PRIVACY ACT.
Asin pagirumdum sa gabos na magdisiminar ning tamang impormasyon sa gabos na oras.
Pag tarabangan ta po ang laban sa COVID.- MESU Pili, Cam Sur
Source: LGU Pili Camarines Sur