Cagayan de Oro – SA tinguha nga makunhoran ang problema sa baha sa syudad, gilusad sa ikaduhang higayon ang Operation Likay Baha o de-clogging operation sa Brgy Bugo sa ikaduhang Distrito adlaw’ng Miyerkules, Oktubre 16 ning tuig.
Ang Likay Baha: Kanal Limpyohan, Baha Malikayan nga programa unang gipahigayon sa Brgy Bulua diin kanunay usab makasinati sab aha niadtong Septiyembre 12.
Ang maong kalihukan gipangulohan ni Konsehal Edgar Cabanlas kinsa mao usab ang chairman sa Committee on Public Works diin gitutokan ang paglimpyo sa mga drainage ilabina panahon sa ting-ulan.
Ang ‘Operation Likay Baha – Kanal Limpyuhan, Baha Malikayan’ ipahigayon usab sa Brgy Puerto sa Oktubre 17 ug Brgy Agusan sa Oktubre 18.