- Advertisement -
Balik na sa normal ang operasyon ng Dumaguete airport simula kaninang umaga.
Kasunod ito pansamantalang pagsasara ng Dumaguete airport kahapon dahil sa pagsasadsad ng isang eroplano sa runway ng paliparan matapos naman sumabog ang kaliwang gulong nito.
Ayon Civil Aviation Authority of the Philippines o CAAP Spokesperson Eric Apolonio, dakong alas-11:00 kagabi nang tuluyan nang maalis ang eroplano ng pal sa runway ng Dumaguete airport.
Habang nagsagawa naman ng clearing operations ang CAAP sa nasabing runway bago ito tuluyang binuksan kaninang alas-6:00 ng umaga.
Batay sa tala CAAP, aabot sa labing tatlong (13) flights ang nakansela dahil sa insidente kahapon.
 (Ulat ni Raoul Esperas)
- Advertisement -