Iriga City – Dai kabali an Camarines Sur sa magkakaigua nin operasyon an provincial bus sa pagbuelta kaini ngunian na aldaw.
Ini an nakuang bareta kan Radyo Ronda matapos na magpaluwas nin abiso sa paagui kan sarong Memorandum Circular kan LTFRB Bicol na duwang probinsya pa sana sa rehiyon an natawanan nin permiso sa paagui kan Inter-Provincial Bus Operation., ini iyo an probinsya kan Camarines Norte asin Albay.
Katakod kaini, nagpahayag nin kamunduan an sector nin transportasyon orog na an mga operator asin driver na masarong taon ng dai nin trabaho sa petsa 17 kan bulan na presente matapos na magkaigua nin lockdown huli sa pandemya.
Naghahapot pa man sinda kun tano ta tulo sanang kompaniya nin bus an tinugutan na mag-operar sa duwang probinsya na iyo an Raymund Bus Company, Penfrancia Tours asin an DLTB alagad sa laog sana kan rehiyon Bicol an operasyon. (Melvin F. Barayoga, RPN OIC)
(Source: LTFRB Bicol)