Umapela ni Gob. Matthew Marcos Manotoc iti Departamento ti Salun-at a mangipaay ti adu a bakuna kontra COVID-19 ditoy Ilocos Norte.
Imbatadna a babaen iti daytoy ket makapaggunay ti probinsia kadagiti sumaruno nga adding a rumbeng a maaramid.
Inlawlawagna a daytoy ket gapu ta adda met dagiti agsasaruno a prayoridad a mabakunaan.
Kunana a kangrunaan a panpanunutenna dagiti pulis nga ibilbilang ti gobernador a “super frontliners” nangnangruna iti border.
Mangnamnama ni Gob. Manotoc a mabakunaan iti mabiit dagiti kameng ti pulisia ditoy probinsia.
Kabayatanna, inultina nga inpakaammo a maisangpet ditoy Ilocos Norte ti inorderna nga AstraZeneca iti third quarter ti agdama a tawen.
Segun iti gobernador, umabot iti inem a pulo a ribo a bakuna dagiti immune nga inorder ti probinsia.
Nupay kasta, kunana a mannarimaan a maad-adal no kasapulan a nayunan ti gobierno probinsial ti gatangenna a bakuna wenno iyuray laengen ti nayun nga ipaay ti gobierno nasional.
(Ronald Domingo, RPN DZRL Batac Correspondent)
(Source: Provincial Government of Ilocos Norte)