Cagayan De Oro City – Hugtanon karon nga gi-promote sa Cagayan de Oro City Hall ang Online transaction dili lamang tungod sa Covid-19 pandemic aron sa tinguha nga makahatag kasayon sa publiko. Mao kini ang gisugilon ni Mayor Oscar Moreno gawas nga ang maong lakang nakasukad sa RA11032 o Ease of Doing Business Act nga nagmando sa Zero Contact tali sa Business Applicants ug government employees.
Ang bulan sa Enero mao ang pagsugod sa tinuig nga Business Registration ug Business Permit Renewal period sa syudad. Gani pa man aduna nay mga business applicants nga mipaabot sa ilang pasalamat ngadto sa City Hall alang sa Paspas, efficient ug friendly nga pag-assist sa pagkuha sa ilang mga business permits.
Mapasalamaton ang mayor sa pagtaho nga ang online transactions wala lang nag-comply sa Health Protocols kon dili nakahatag pa sa ka-convenient sa publiko pinaagi usab sa one-time assessment one-time payment nga mahimo ra online. (Gin Serohijos, RPN DXKO CdO OIC | City Hall)