Gihimo bag-ohay pa lamang sa Department of Trade and Industry (DTI) Surigao del Norte Provincial Office ang Online Marketing Seminar cum Intellectual Property Rights Orientation pinaagi sa Comprehensive Agrarian Reform Program ug OTOP Next Gen Program didto sa Negosyo Center Conference Room, dalan Burgos, ning dakbayan.
Mipartisipar sa nasampit nga aktibidad ang mga kabatan-onan gikan sa Trinidad Agrarian Reform Beneficiaries Cooperative (TARBECO) sa Brgy. Trinidad nga nagpangidaron sa 17 anyos hangtod 29 anyos.
Tumong sa maong aktibidad nga makahimo ang mga millennial nga sakop sa koperatiba sa pag-adaptar sa mga bag-ong pamaagi sa pagnegosyo gamit ang social media.
Gipanigurado sa mga partisipante nga makatabang sila sa pagpromotar sa ilang mga produkto pinaagi sa tanan nilang nasayran ug nakat-onan. (Jun Prex Salubre, Ronda 6 RPN DXKS)
Â