Pansamantalang isasara bukas ang business one-stop shop ng Manila City Hall sa SM Manila –upang magbigay daan sa Kapistahan ng Itim na Nazareno.
Pinayuhan naman ni Manila Mayor Isko Moreno, ang mga negosyante sa Maynila na ‘wag nang intayin ang deadline sa January 31 para mag-apply at mag-renew ng kani-kanilang business permit.
Matatandaang una nang sinuspinde ng alkalde ang pasok sa mga trabaho bukas sa Manila City Hall at maging ang mga tanggapan sa ilalim ng ahensya ng gobyerno sa lungsod.
Samantala, muling ipagpapatuloy ang operasyon ng one-stop shop sa Biyernes, January 10.