Naiget a naglikudan ni Dr. Walbert Samonte, Officer in Charge iti Gov. Roque Ablan Senior Memorial Hospital nga adda dagiti expired nga agas iti nasao a balay pagagasan.
Segun kenkuana, awan iti over supply no diket under supply pay ti agas iti GRASMH a kas met kadagiti dadduma a government hospital nga abunado latta iti supply nga agas,
Segun pay kenkuana, tunggal bulan ket mangisumsumitir ti “Consumption Report” ti Chief Pharmacy ti hospital iti central supply no mano ti nakunsumo ken nabatbati pay a supply.
Nupay, kasta impanamnama ni Dr. Samonte nga amaden nanto iti chief pharmacist ti GRASMH no kasano iti situasion ti supply nga agas iti nadakamat a balay pagagasan.
Imun-una ngem iti daytoy, adda ti alegasion nga adda met dagiti expired nga agas iti GRASMH akas ti paipabpabasol iti Laoag City General Hospital.
Iti baet daytoy, inlawlawag ti OIC iti GRASMH a ti Sistema iti pharmacia ti hospital ket adda met dagiti agas nga alisto a maibus ken adda dagiti mabaybayag a maibus.
Nupay kasta, impasigurado ni Dr. Samonte nga adda latta ti “Available” dagiti agas a saan unay a maus-usart tapno adda iti sindadaan nga usaren dagiti makasapul a pasyente no kas bilanag a mabalin a dagitoy ti ag-expired. (OIC Rodrigo G. Sadian, RPN DZRL Batac)
(Source: LGU – Laoag City)