Cebu City – Dunay migawas karon nga dokumento nga nag ingong gikanselar sa local nga kagamhanan sa Syudad sa Sugbo ang ika upat nga phase sa construction sa bag-ong Cebu City Medical Center (CCMC) building.
Sa iyang official Facebook page pagka Hunyo 30, 2021, gi post ni kanhi Cebu City Councilor Mary Ann de los Santos, deputy mayor for health sa kanhi administration ang kopya sa Notice of Cancellation pinitsahan ug Mayo 4, 2021.
Ang maong dokumento nga gipirmahan ni City Administrator Floro Casa, Jr. by Edgardo Labella, nagkanayon nga ang kahumanan ug full operation sa CCMC lakip sa mga top priorities sa Labella administration, apan matod pa sa maong dokumento, nagkinahanglan pa kini ug dugang pondo.
Gipaabot pa ang tubag ni Casa labot sa maong dokumento ug kalamboan.
Ang budget nga gi aprobahan sa kontrata nagkantidad ug ₱ 499,992,843.01.
Ang notisya nag-ingon nga ang pondo nga gi gahin alang sa Phase 4 sa katukuran dili igo sa pagtukod sa tibook hospital ug sa paghimo niining fully operational.
“Presently, the local Finance Committee is deliberating my request for additional One Billion budget for the CCMC as part of the proposed Supplemental Budget No. 1 (SB1). I am confident that the City Council shall approve it,” basi sa giingong dokumento ni Casas.
“ In view thereof, Notice is hereby issued CANCELLING the above-mentioned project in order to expeditiously complete the construction of the CCMC and to have it fully operational as soon as possible with the thrust of this administration in providing health care services to the people,” napakit sa maong dokumento.
Gipatik sa nga ang bidders mahimo maka request ug ”refund for the payment for the purchase of the bidding documents and the withdrawal of the bid security for the project.”
Sa press conference ni Mayor Labella, niadtong Mayo 27, 2021, namahayag nga dunay nagpadayon nga post-qualification requirements ug naghisgot sab kini labot sa dugang pondo.
Si de los sa iyang bahin nagtinguha lang ug transparency labot sa katukuran sa maong proyekto.
(Jhon Tadlip/JTY)
(News & photo courtesy of Cebu City PIO | Mary Ann de los Santos Facebook account)