Davao Oriental – Nasakmit sa mga otoridad gikan sa usa ka notadong drug pusher ang armas, mga bala, druga atol sa gipahigayong buy-bust operation sa Santo Niño, Barangay Central, Mati City, Davao Oriental
Giila ang dinakpan nga si Ruel Tamay, alyas “Dong” 52 anyos ug residente sa Purok Andravel, Barangay Central, Mati City.
Subay sa report, nagpahigayon og drug buy-bust operation ang mga sakop sa Mati City Police Station uban ang Philippine Drug Enforcement Agency sa giingong lugar.
Atol sa maong operasyon napalitan ang suspek ug usa ka pekete nga dunay sulod nga gituuhang shabu gamit ang marked money.
Samtang sa dihang gikapkapan nakuhaan sab ang suspek og mga pakete nga dunay sulod nga gituuhang shabu nga dunay gibug-aton nga lima ka gramo ug nagkantidad og P35,000.00.
Sa karon himas rehas ug magatubang ang suspek sa mga kasong paglapas sa Republic Act 9165, Republic Act 10591 ug Republic Act 9516. (Camille Santos Naraga)
(Source: Mati CPS)