Nagpahinumdom ang Department of Labor and Employment (DOLE) sa mga empleyado, kabahin sa “No Work, No Pay” policy karong Martes, December 8, asa gideklarang usa ka ka special non-working holiday.
Sa gipagawas nga Labor Advisory No. 32-2020, gipasabot sa labor department nga wala’y laumang suweldo ang kinsa mang empleyado nga dili mosulod sa ilahang trabahuan sa maong adlaw, dungan sa pagsaulog sa Feast of the Immaculate Conception.
Alang usab sa mga adunay trabaho, nagpahinumdom ang DOLE sa mga kompaniya ug employers kabahin “pay rules” nga angay’ng madawat sa mga empleyado.
Sa regular nga 8-oras, makadawat ang empleyado og dugang 30 percent sa iyahang basic wage ug dugang 30 percent sa iyahang hourly rate kung adunay overtime.
Para usab sa mga adunay scheduled day off, apan kinahanglang mosulod sa trabahuan, makadawat ang mga nasampit dugang 50 percent sa iyahang basic wage og dugang 30 percent sa iyahang hourly rate, kung adunay overtime.
Subay sa Republic Act No. 10966, gitakda ang December 8 nga usa ka special non-working holiday, isip selebrasyon sa Feast of the Immaculate Conception of Mary, ang gikonsiderang Principal Patroness of the Philippines. (John Rey Somido)