Cebu City – Natanggong sa presohan ang amahan ug anak nga babaye nga nadakpan sa buy bust operation sa mga sa kop sa DEU o Drug Enforcement Unit sa kapolisan sa Waterfront, Cebu City sa milabayng kaadlawon.
An hepe sa Waterfront Police, Captain Edgar Labe, miilasa mga dinakpan nga sila si Johnny Ortega, 54, ug anak nga si Judy Ann, 24, nga nagpuyo sa condotel sa Osmeña Boulevard eskina Plaridel, Brgy. Santo Niño.
Nasakmit gikan nila ni Ortega ang gituhoang shabu nga motimbang og 75 ka gramo ug mobalor og kapin sa tunga sa milyon ka pesos base sa kwentada sa DDB o Dangerous Drugs Board.
Gitug-an ni Capt. Labe nga tumong sa operation si Judy Ann nga mao gyoy nagnegosyo sa ginadiling droga.
Midugang si Labe nga usa ka entertainer sa club si Judy Ann sa wala pa ang pandemya ug iyang gikarelasyon ang usa ka pusher nga misangpot sa ilang pagpuyo-puyo sa Brgy. Calamba.
Matod ni Labe, ila pang naabtan nga nagsuyop og droga ang papa ni Judy Ann sud sa kuwarto.
Gihulagway ni Labe si Judy Ann Ortega nga city level nga high value target tungod sa gidaghanon sa droga nga ilang naembargo ug sa iyang pagkalambigit sa lalaki nga mamaligyaay pod og shabu sa Calamba. (via Jhon Tadlip/ JTY)
(Source: Drug Enforcement Unit-Cebu City Police Office)
