28.6 C
Manila
Friday, March 29, 2024

NMMC Mogamit Sa Upgraded Facility Sunod Semana

- Advertisement -

Cagayan de Oro City – Taliwala sa pagsaka sa local COVID-19 cases sa nakalabya’ng semana, ang Northern Mindanao Medical Center (NMMC) hingpit na nga mogamit sa ilang bio safety level 2 lab aron sa pagpalig-on sa ilang testing capacity alang sa COVID-19 cases sa Cagayan de Oro, Misamis Oriental ug Northern Mindanao. Matud pa ni NMMC Liaison Officer Dr. Bernard Julius Rocha nga ilang gibanabana nga kon dili hinapos sa Setyembre, sayo sa Oktubre makompleto na ang facilidad ug sa pagka karon nagpaabot na lang sila sa proficiency testing.

Ang maong pamahayag gihimo ni Rocha sa usa ka press briefing tungod sa paghinay sa pagproseso sa swab samples sa Department of Health Tuberculosis Reference Center gumikan sa pagsaka sa local COVID-19 case sa Iligan City ug Cagayan de Oro City. Ang paghinay usab sa nahisgutanga proseso maoy hinungdan sa pagkapuno sa kapasidad niini gumikan sa kadugay sa waiting time alang sa pagpagula sa test results.

Sa higayon nga makompleto na ang proficiency test ang NMMC hingpit na nga maka-operate sa tulo ka reverse transcription-polymerase chain reaction (RT-PCR) machines. Sayo niini, gisugilon ni Mayor Oscar Moreno sa Cagayan de Oro nga ang DOH nagdugang sa pagpahimutang sa mga medical technologists aron mapaspasan ang pagproseso sa mga resulta. (City Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -