CAGAYAN DE ORO – Usa ka opisyal sa National Food Authority (NFA) sa Misamis Oriental nagbutyag nga walay rice retailers ang namonitor hangtud karong panahona nga nakasupak sa bag-ohay pa lamang gipatuman nga suggested Retail Price o SRP sa bugas.
Matud pa ni Katherine Marohombsar, ang NFA-Mis Or Enforcement and Investigation Officer nga hinuon adunay upat ka rice retailers sa El Salvador City, Misamis Oriental ug Cagayan de Oro nga nagbaligya sa bugas nga NFA ug walay lisensya ug permit gikan sa ilang opisina.
Matud niya, ila na kining gipadalhan sa summons ang mga retailers aron mapaminawan nila ang mga hinungdan niin.
Si Marohombsar nagpahinumdum ngadto sa mga rice retailers nga sa dili pa sila makabaligya sa bugas sa merkado, kinahanglan una nila nga mokuha sa licensya gikan sa NFA ug dili lamang ang business permit nga gikan sa City Hall.
Siya nagpahimangno nga kadtong mga retailers nga masapon nga namaligya nga wlaay licensya ang mga-atubang sa penalty gikan sa P1,000 ngadto na sa P15,000 depende sa kalapasan nga iyang giatubang.
