“New Normal” Sagupon Sa MisOr

CAGAYAN DE ORO CITY- Adaptahon sa Misamis Oriental ang panglihok-lihok nga new normal. Mao kini ang gibutyag ni Gobernador Bambi Emano diin siya miisip niining usa ka bag-ong hagit ilabi kay hangtud karon nagpabiling zero-case ang probinsya sa coronavirus.

Alayon niini, buot ipatuman sa gobernador ang adunay tagsa tagsa ka video conference room ang matag departamento alang sa mga onlie o virtual nga mga kalihokan aron mahimong presentable sa mga empleyado sa pagpadayon pagtrabaho subay sa mga health guidelines.

Importante usab niing new normal nga hagit mao ang pagbaton sa oras sa pagpahulay. Kini gihagit sa gobernador tungod sa pagtuo nga mahinungdanon alang sa mga kawani sa gobierno nga makahigayon usab sa pagpahulay.