Cebu City – Gipadaplin una sa Cebu City ang negosasyon sa bakuna sa Covid-19 sa AstraZeneca nonot sa taho sa ubang nasod bahin sa giingong adverse effect sa bakuna sa mga nadapatan.
Gani, pipila ka nasod sa Oropa ang mihunong sa ilang rollout tungod sa report sa blood clots sa mga nabakunahan.
Gipahibaw ni Vice Mayor Rama ang desisyon atol sa press conference bahin sa Covid-19 vaccine rollout plan.
Suma pa ni Rama, giabot ug kabalaka ang konseho sa maong report sa ubang nasod hinungdang nahukman nila nga ihunong lang una ang negosasyon sa AstraZeneca hangtud matubag ang maong concerns.
Matod ni Rama, adunay pipila ka isyu sa AstraZeneca nga kinahanglang mahapsay sa World Health Organization.
Atol sa session, ang mga konsehal mipadayag sa ilang kabana sa tinguha sa syudad sa pagpalit og baleg P100 ka libo nga bakuna sa AstraZeneca.
Apan ang Department of Health (DOH)-7 mitataw nga sa kapin sa 570 ka health workers nga nadapatan sa AstraZeneca walay gipakitang bisan unsang side effects human sa unang pagtusok.
Ang ikaduhang dose idapat paglabay sa unom ngadto sa 12 ka semana. (Jhon Tadlip/JTY)
(Source: Cebu City Council, photo courtesy of Cebu City Public Information Office)