National Migrant Workers Day paga-saulogon karong Hunyo 7

0
9

Gisaulog sa rehiyonal nga buhatan sa Overseas Workers Welfare Administration (OWWA-RWO9) ang National Migrant Workers’ Day sa dakbayan karong umaabot Hunyo 7, ning tuiga.

Kini ang nakuhang impormasyon gikan sa buhatan sa PESO ning dakbayan sa Dipolog ubos sa pagdumala ni PESO Manager, Mr. Carlo P. Deloria. , base usab sa sulat gikan sa rehiyonal nga buhatan sa OWWA, nga gipirmahan ni Regional Director, Ron Lionel M. Bartolome, pinetsahan og Mayo 17, 2023.

Subay niini, ang pagsaulog sa National Migrant Workers’ Day, usa ka paghandum sa adlaw diin ang Migrant Workers Act of 1995 o Republic Act 8042, gipirmahan aron mahimong balaod, ug usab sa pag-ila sa mga bililhong sakripisyo sa mga bayani karon, nga mga Overseas Filipino Workers.

Dugang sa suwat, gibana-bana nga moabot sa duha ka libo ka mga partisipante gikan sa tibuok rehiyon, diin daghan niini gikan sa una ug ikaduhang distrito sa atong lalawigan.

Bisan pa sa maong kalambuan, mapaubsanon karon nga gihangyo sa rehiyonal nga buhatan sa Overseas Workers Welfare Administration (OWWA) ni OWWA Regional Director, Ron Lionel M. Bartolome ngadto sa kagamhanang lokal sa Dipolog pinaagi sa Public Service Employment Office (PESO) niini nga gipangulohan sa PESO Manager, Carlo Deloria, sa pag-imbitar sa mga lokal nga OFWs ug sa ilang mga pamilya sa pagtambong sa maong selebrasyon nga ipahigayon sa naasoyng petsa sa unahan.

 

Source: DIPOLOG CITY GOVERNMENT Facebook page

Leave a Reply