Nadakpan sa tinugyanan sa balaod ang usa ka babaye sa kasong Cyber Crime Law didto sa Barangay Minaog sakop ning syudad sa may alas 8 y medya ang takna sa kagabiehon kaniadtong nakalabayng adlaw Marso 3, 2020.
Ang suspek giila nga si Joann Nadela Jalas, 37 anyos, dalaga, lumulupyo sa Sta. Cruz, Dapitan City.
Sumala pa sa inisyal nga imbestigasyon sa kapulisan, nadakpan ang suspek didto sa Minaog sakop ning syudad sa kasong Libel in relation to Cyber Crime Law kon RA 10175 nga gihaon gikan sa sala ni Judge Jose Rene Dondoyano, Presiding Judge of RTC, 9th Judicial Region Branch 6 ning syudad nga nagtangag sa piyansang kuarenta mil ka pesos (48,000) Â alang sa iyang temporaryong kagawasan.
Sa pagkakaron, nakagawas na sa presohan ang maong suspek  tungod kay nakapiyansa kini sa nasangpit nga kantidad matod pa sa Dipolog City Police Station.