Davao City – Sikop ang giilang Top 4 drug individual sa Dakbayan human gikasa sa mga sakop sa Sasa Police Station 4 inubana sa PNP Maritime, DCPO ang drug buybust operation sa Insular Village, Barangay Hizon, Davao City.
Giila sa kapulisan ang suspek nga si, Ivan Vito Usop, 40 anyos ug lumulupyo sa Poblacion, Pagalungan, Maguindanao del Sur.
Subay sa report, napalitan si suspek sa poseur buyer og 1 ka sachet nga adunay sulod sa gituohang shabu ug laing mga sachets iligal nga druga nga mobalor ug kapin sa P63,200 pesos base sa street market value.
Sa karon, himas rehas ang suspek ug magatubang sa kasong paglapas sa RA 9165 kun Comprehensive Dangerous Drugs Act of 2002. (Camille Santos Naraga)
(Source: Sasa Police Station 4 | PIO DCPO)