Davao Region – Sikop ang usa Top 9 drug watchlist sa Davao region human gikasa sa mga sakop sa Philippine Drug Enforcement Agency Regional Office XI, Davao del Sur Provincial Office ug Digos City Police Station ang drug buybust operation sa Barangay Zone 1, Digos City, Davao del Sur.
Giila ang suspek nga si Nur Aniza Pacalna alyas Aniza/Rohanisa Pacalna, 42-anyos.
Nakuha sa posisyon sa suspek ang usa ka pakete sa gituohang shabu ug motimbang sa 1 gramo ug mokantidad sa kapin P6,000 pesos.
Subay sa operasyon nadiskubrihan sa mga sakop nga usa ka drugden ang ilahang nasudlan ug naaresto ang giilang si Karim Malli samtang na-rescue usab ang duha ka mga minor de edad.
Nakuha usab ang laing 4 ka mga sachet sa gituohang shabu nga mutimbang og 12grams ug laing paraphernalia.
Suspek pasakaan og kasong Republic Act 9165 o ang Comprehensive Dangerous Drugs Act of 2002. (Camille Santos Naraga)
(Source: PDEA XI)