Naranasang malakas na pag-ulan napahupa ang bush fire sa Queensland, Australia

Napahupa na ng naranasang malakas na pag-ulan ang bush fire at forest fire sa Queensland Australia na tumupok sa tinatayang 2.5 ektarya ng lupain sa nabanggit na estado magmula noong Setyembre.

Gayunman, nagdulot naman ito ng malaking pagbaha sa ilang bahagi ng Queensland.

Batay sa ulat, kinailangan nang i-rescue mula sa mataas na baha ang ilang mga residente doon.

Habang napilitan na ring isara ang ilang mga tulay at kalsada sa Queensland.

Inaasahan namang makakaranas pa rin ng malakas na pag-ulan ang Queensland gayundin ang estado ng Victoria at New South Wales sa mga susunod na araw.