Usa ka lalaki nga gikatahong miambak sa may alas 5 sa hapon kagahapon Mayo 01, 2024 didto sa Suba sa Purok Bulahan, Brgy. Turno, ug karong buntag napalgan na kining patay na, Mayo 02, 2024.
Ang maong lalaki nailhan sa pangalan nga Randy Jebone, 40 anyos ang panuigon kasamtangan ra usab nga nanimuyo sa nahisgutang lugar.
Matud pa sa mga nakasaksi si Jebone kalit lang kining miambak sa wa hibaw-I nga rason hinungdan sa kabalaka sa mga pamilya ug nganung gibuhat niya kadto. Ug karong sayo sa buntag ang buhatan sa CDRRMO ang naninguha nga makita gilayon ang lawas ni Jebone.
Sa pagkakaron padayun pa ang gihimong imbistigasyon sa mga kapolisan sa Dipolog City sa tinuod nga hinungdan kung wala ba kini nahitabo nga foul play. (Angelica T. Obina)
(Source: CDRRMO)
