NAIA mahigpit pa rin ang pagbabantay sa mga dumarating na Chinese nat’l

Patuloy ang mahigpit na pagbabantay ng Ninoy Aquino International Aiport (NAIA) sa mga Chinese nationals na dumarating sa bansa.

Pinapaalalahanan ng Bureau of Immigration (BI) ang mga pasahero galing China, na kung may kakaibang nararamdaman ay kusa na silang lumapit sa mga kawani ng quarantine sa mga paliparan.

Pansamantala na ring sinuspinde ng Immigration ang pag-iisyu ng visa upon arrival (VUA) sa mga Chinese na dumarating sa bansa.

Inaabisuhan naman ang mga pasahero na may flights sa Air Asia papuntang China, na hanggang katapusan ng Pebrero ay maaari na nilang marefund ng ticket ng walang penalty.

Samantala, kinansela narin ng Air Asia ang kanilang flights na diretso sa Wuhan, China.