Cebu City – Sa usa ka tan-aw lang, pasado sa iyang pamarug, porma, buhok, gisul-ob ug mga gamit ang usa ka lalake nga nagpatoong Captain sa Army sa gipuy-an nga condo nga nahimutang sa Barangay Marigondon, Syudad sa Lapu-Lapu; apan nasuta nga usa diay kini ka Army Reservist..
Nagpasad ang lain-laing mga armas, mga buhing bala, mga Identification Cards ug ubang butang ang nasakmit gikan sa usa Jhefferson Higoy, nga taga La Union.
Ang mga lain-lain niyang mga IDs nga dunay lain laing address gituuhang mga fake kini ug subject alang sa verification.
Alas 6 kaganinang buntag, adlawang Biyernes, Hulyo 2, 2021, ni poste na ang mga operatiba sa National Bureau of Investigation sa usa ka Condominium nga nahimutang sa usa ka sitio sa Barangay Marigondon, Syudad sa Lapu-Lapu alang sa ilang operation-pag serve sa search warrant.
Dihang nakita nga nigawas gikan sa condo unit, gi control si Higoy aron dili maka porma dihang padung na unta kining mosud sa itom nga Mirage (sakyanan), diin makuha ang ubay-ubay nga mga armas.
Gibutyag sa usa ka Assistant Head Guard sa Condo, Ramil Canete nga nagpaila si Higgoy nga usa ka Captain sa Army.
Human ma search ang sakyanan ni Higgoy, gisunod ang ika-duhang andana sa Condo unit-room 216 nga maoy iyang gipuy-an , diin nakit-an sa operatiba ang M4Â nga armas ibabaw sa higdaanan.
Lakip sa mi-uban ug misaksi si Konsehal Rogelio Amores sa Barangay Marigondon.
Dunay report nga naay grupo si Higoy; sutaon kini ug wa ba maghimo ug illegal. (Jhon Tadlip/JTY)
(News & photos courtesy of National Bureau of Investigation 7)