Biglang na sanang may nangyari an kasulo kaso udma Nobiembre 16 presenting taon sa Ciudad nin Iriga.
Kun saen inagapan man tulos kan Bureau of Fire Protection na Pinangenutan mismo ni City Fire Inspector Gary Francisco kun saen nangyari an kasulo mga alas 4:36 nin Maagahon kaso udma kan bigla na sanang mag arab-adab an Reiner’s Pet House na makukua sa Tantiado Blgd. Central Business District kan Iriga city.
Mantang pinagturuwang-tuwangan na sigbuhon an kalayo na nagbungkaras sa sarong Edefisyo sa nasabi nang lugar, Alagad na fire Out ini pasado Alas 6:46 na nin pagka-aga kaso udma asin mayo man na ipinag-report na kaswalty o nairido sa nangyaring bigla na sanang nagkasulo sa sarong Building sa Ciudad ni Iriga.
Sa ngonian nagpapadagos pa man guiraray an imbestigasyon kan mga kabuhan kan Bureau of Fire Protection ka naunambitan nang Ciudad asin padagos na inaaram kun ano mananggad si naging kawsa kan bigla ining nagkasulo sa nasabi nang lugar.
An tolong darakulang Firetruck kan ciudad nin Iriga iyo an nagenot sa pag-sigbo sa kalayo kun saen nag-arabutan naman an ibang Firetrucks na hali sa mga banwaan nin Baao asin Nabua Probinsya nin Camarines Sur iyan tanganing magdag-dag nin fuersa para dae na maghiwas pa an kalayo sa nasabi nang Pet House na nangyari kaso udmang pagka-aga sa Central Business District kan Ciudad ni Iriga. (JV Jun Verdeflor)