Human nga gipusil an usa ka gwardya, Dead on Arrival ang maong biktima, kini nahitabo sa bahin sa Sitio Miracle Valley, Brgy. Maligo, Polomolok, South Cotabato, pasado alas 5:20 sa hapon, niadtong November 15, 2022.
Ang biktima nailang si Randy Baay, 29-anyos, single, security guard ug residente sa Sitio Lamkaling, Brgy. Lamkadi, Lake Sebu, South Cotabato, samtang ang suspek giilang si Roderick Galicia, 29-anyos, single, security guard ug residente sa Brgy. Sibsib, Tulunan, North Cotabato.
Base sa imbestigasyon sa Polomolok MPS, naglalis matud pa ang biktima ug suspek nga misangko sa away, nikuha matud pa ang suspek ug pusil dayon gipusil ang biktima pila ka higayon.
Paspas nga gidala sa ospital ang biktima, apan gideklara kini nga dead on arrival sa doktor, samtang ang suspek ang misibat human sa gihimong krimen. (John Rey Somido)