Ubay-ubay na mga sakop sa H-Global World GOI-101 an tagsagda sa kapulisan samtang kini nagpundok didto sa isla sa Sibale, Surigao City kagahapong adlawa.
Kini human gireklamo sa mga taga Baranggay Zaragoza pinangulohan ni Kapitan Del Gealogo ang kalit nga pagdunggo sa Sibale Beach sakay sa lain laing mga pumpboat ang waya makilay-i na mga tawo sanan nag-ritual kagabii ug ang uban kanila misulod sa baranggay na wayay pagtugot.
Sumala pa ni Police Lt. Col. Police Christian Rafols II, mi-intervener an kapulisan kanila subay sa Executive Order Number 23 series of 2020.
Kagainang alas 9 sa buntag, an grupo banabanang anaa sa 50 ang gidaghanon na jaon pay mga menor de edad, an tagpasakay sa City Mayor’s Office pumpboat ug gidala sa City PNP. Sumala pa ni Mrs. Conception Dela Torre, sila mga sakop sa H-Global World nga anaa an temporary office sa Brgy. San Juan, Surigao City.
Ang mga intelligence personnel sa City PNP iban an Maritime Group sanan Phil. Coast Guard miresponde sa request sa mga barangay officials tungod sa kalapasan sa enhanced social distancing nakalatid sa executive order na misuyod sa ila baranggay samtang bawal kuman an mga tapok tapok tungod sa kadelikado sa pagkanat sa COVID-19. (DXKS RPN Radio exclusive report)
Pictures courtesy of Jhe Mil