Nadine Lustre maaaring lumabag sa batas sa pagterminate ng kontrata sa Viva —Atty. Topacio

Maaaring lumabag sa batas ang aktress na si Nadine Lustre matapos nitong i-terminate ang kanyang kontrata sa Viva Artists agency.

Ito ang opinyon ni Atty. Ferdinand Topacio –abogado ng may-ari ng Viva Films.

Iginiit naman ng legal counsel ni Nadine na si Atty. Lorna Kapunan na karapatan ng aktres na kumalas sa kontrata nito sa Viva.

Alinsunod rin umano sa Civil Code of the Philippines, partikular na sa Article 1920.

Sinabi naman ni Topacio na mali ang probisyon ng civil code na pinagbasehan ng argumento ng kampo ng Kapamilya actress.

Sa huli, sinabi ni Topacio na kapag napatunayang lumabag ang aktres ay maaaring magkaproblema na ito sa usaping legal sa mga susunod na mga proyekto nito sa industriya ng entertainment.