Ti naaprobaran a wagas ket maibasar iti kiddaw ti Batac Tricycle Operators and Drivers Association (BATODA) a mangidawat a maipangato ti regular a plete manipud PHP15 agingga iti PHP17.50 para iti umuna a 1.5 km. nga addaan iti kanayonan a PHP2 para kadagiti sumaganad a kilometro.
“Ti fare adjustment ket mangrugi a dagus kalpasan ti pannakaaprobar ti ordinansa,” kinunana, sana innayon a ti tignay ket win-win solution para kadagiti nagannak, estudiante, ken trike drivers ken operators kalpasan ti napaut a diskusion maipapan iti isyu. Ti plete ti estudiante ket nai-pegged iti PHP13 para iti umuna a 1.5 km. ken manayunan ti PHP2 para kadagiti simmaruno a kilometro.
Kas inkeddeng ti linteg, agpada nga agtultuloy a tagiragsaken dagiti senior citizens ken persons with disabilities ti 20-porsiento a diskuento manipud iti regular a plete basta idatagda dagiti autorisado a identification card-da.
Nupay kasta, napakdaaran dagiti drayber ken operator ti traysikel nga agkedkedda a mangsingir iti sobra kadagiti pasaheroda tapno saanda a madusa. Iti babaen ti Ordinance 4SP 2018-18, dagiti aglabsing ket masingir iti PHP200 agingga iti PHP600 ken posible a tallo a bulan a pannakasuspende ti motorized tricycle operator’s permit para iti maikatlo ken agsasaruno a basol.
Sakbay a naingato ti regular a plete ti traysikel, nangisayangkat ti Sangguniang Panlungsod’s committee on laws iti konsultasion publiko a nagatendar dagiti tricycle drivers ken operators, estudiante, ken amin a maseknan. (Rod Sadian)
(Source: LGU Batac City)