Human sa 22 ka tuig nga pagtagu-tago sa balaud, nahulog na sa kamot sa mga otoridad ang usa ka murder suspect, human masikop sa mga tauhan sa General Santos City Police Office.
Matod pa ni GSCPO-Station 7 chief, P/Major Rissa Hernaez ang maong dinakpan ang adunay standing warrant of arrest nga gi-isyu niadtu pang March 2000 sa sala ni Honorable Judge Deomanas Eviota sa RTC Branch 32 sa 10th Judicial Region sa Surigao City.
Gikataho pa sa opisyal nga wala’y piyansang gitakda ang korte sa wala na niini ginganlang wanted person.
Sa karon, nakig-alayon na ang GSCPO sa korte kalabot sa pagturn-over sa maong dinakpan. (John Rey Somido)