Murang gamot isasailalim sa pagsusuri para siguraduhin ang kalidad — DOH

Tiniyak ng Department of Health (DOH) na mataas parin ang kalidad ng mga gamot na ibebenta sa mga botika kahit generic version pa ito.

Ayon kay Health Sec. Francisco Duque III, isasailalim sa masusing pagsusuri ang mga murang gamot para siguruhin na maganda parin ang kalidad nito.

Aniya, ibabase sa quality standard ng Food and Drug Administration (FDA) ang mga generic version na gamot.

Samantala, kasama sa draft ng executive order na ibibigay kay Pangulong Duterte ang pagkakaroon ng generic version ng mga gamot para sa hypertension, diabetes, cardiovascular disease, chronic lung diseases, neonatal diseases at major cancers.