Tagpahibayo ni Tina Cassion nan Department of Transportation – Caraga Region, nga subay sa utility vehicle modernization program sanan sa clean air act, mamahimong e-phase out na o wayaon na sa sirkulasyon an mga multicabs o pupareho na mga sakjanan isip public transport puli an mga solar o electric powered na mga utility vehicle.
Taghimo ni Cassion an pag-butyag didto atul sa isa ka committee hearing nan Sangguniang Panlungsod ciudad sa Surigao, para unta sa pag-himo nan mga bag-o na ruta nan public land transport nga mamahimong basihan sa e-isyu na prangkisa nan LTFRB.
Matud pa ni Cassion na dili na mo-isyu nan bag-ong prangkisa an LTFRB na sagad dinhi mo-expire sa tuig 2019. Dajon sa 2020 hingpit na nga ipa-implementar nan kagamhanan an PUV modernization program.
Tungod sa naasoy na development, temporaryo nga tag-hikling nan konseho an kabahin na sa pag-himo nan bag-o na mga ruta ug nokadto sa pag-plano nan isa ka transport summit dinhi sa ciudad nan Surigao para sa hingpit na ipaabot sanan ipasabot sa sektor nan pampublikong transportasyon an implementasyon nan modernization program ug an daya na mga kaisaban sa inin naasoy na lakang.