Masirsirmata ni Mrs. Elma Gabriel ti SME Office iti kapitolio probinsial nga agtultuloyti napintas nga “Alaskabuhayan project” nga immunan nga inrubat ti gobierno probinsial.
Segun kenkuana, daytoy ket babaen metten iti pannakikammayet ti Alaska Milk Corporation a tumultulong a mangisuro kadagiti SME’s ken “nanay prenuers” pakaseknan iti panagluto, panagisagana iti taraon ken practical livelihood ken business skills.
Segun kenkuan, dakkel a tulong daytoy ti probinsia ken ti nasao a korporasion kadagiti kailian kangrunaanna kadagiti addaan iti bassit a negosio ken interesado nga agsursuro.
Maipalagip a naipaayan iti Alaska bundle packages dagiti 80 nga agtagikua kadagiti carinderias, delicacies ken refreshment entrepreneur’s nga immunan a nakipartisipar iti nasao nga aktibidad idiay Banna ken Batac itay napan nga Hulyo 7 agingga iti Hulyo 9 iti daytoy a tawen.
Kabayatanna, mamati met ni Gobernador Mathew Marcos Manotoc a babaen iti baro a programa ti probinsia kangrunaanna ti SME office ket mabadangan dagiti kaprobinsian nangruna ita a panawen iti pandemic.
(Cita Macalipis, RPN DZRL Batac Correspondent)
(Source: Provincial Government of Ilocos Norte)