Mati City – Gipabayad ug multa ang tulo ka mga tindahan ug ang 35 ka mga indibiduwal human nga nakasupak kini sa City Ordinance No. 427 kun ang Disiplina Panahon sa Pandemya Ordinance nga gipakanaug sa lokal nga panggamhanan sa siyudad sa Mati, Davao Oriental.
Ang Mati City Public Safety Office sa Davao Oriental maoy mipatuman sa maong balaod. Samtang gi-tiketan usab ang 35 ka mga indibidwal nga nakabayad og tag ₱ 1,000 pesos gumikan sa wala pagsuot og facemask ug ₱ 2,000 pesos gumikan sa wala pagsunod sa physical distancing samtang anaa sila sa pampublikong lugar sama sa palengke ug boarder checkpoints.
Gibutyag ni Mati City Information Officer Ben Jason Tesiorna, nga ₱ 2,000 pesos usab ang multa nga nabayran sa tulo ka mga establisemento gumikan sa wala pagpasuot og facemask ug  wala pagpatuman sa physical distancing sa ilang mga tindahan.
(Source: Mati City Information Office)