Dugang tulo pa ka Covid-19 infected patients sa General Santos City ang ningtaliwan, segon sa Department of Health.
Sa bagong datus nga gipagula sa ahensiya, lakip sa maong newly-reported fatalities ang 68 years old male, 80 years old female ug 52 years old male patients.
Gawas sa coronavirus, gikataho usab nga adunay mga comorbidities o laing balatian ang mga nahisgutan.=
Alayon niini, misaka na sa 247 ang Covid-19 related deaths sa siyudad.
Samtang, miambak na sa 7,892 ang kinatibukang ihap sa nagtakbuyan sa Covid-19 sa GenSan, human matala ang 44 nga bagong pasyente.
Gikan sa kinatibukang ihap, anaa sa 756 ang active cases o nagpabilin sa mga balay-tambalanan.
Gikataho usab sa Department of Health ang bagong 71 nga naka-rekober.
Anaa na sa 6,889 ang total recoveries sa siyudad. (DOH 12)