Nadala sa Caraga Regional Hospital ang driver sa motorsiklo human nadasmagan og pick-up sa may ala 1:40 an takna sa kahapunon sa National Highway duol sa entrance sa Surigao Land Transport Terminal, Brgy. Luna dakbayan sa Surigao.
Ang mga nahilambigit nga mga sakyanan mao ang Honda XRM nga mga plate number 1501-00 nga gimaneho ni Jhonel Garcia, 22 anyos, ulitawo, residente sa Brgy. Taft, ug usa ka Ford Ranger pick-up nga may plakang LGZ-494 nga gimaneho ni Eric Miles Schaller, 59 anyos, U.S. citizen, usa ka negosyante, nagpuyo sa Lipata Hills, Brgy. Lipata sakop ning dakbayan sa Surigao.
Sa imbestigasyon ni PO2 Alex Fuentes, nagbutyag nga sa may ala 1:30 an takna sa kahapunon Enero 13, 2019, ang Honda XRM nga gimaneho ni Garcia nagdagan subay sa National Highway paingon sa Butuan City nga direksyon, pag-abot niya sa duol nga bahin sa entrance sa City Land Transport Terminal, ang Ford Ranger kalit nga mi u-turn ug naapsan ang motorsiklo. Natumba ang motorsiklo og nahi-agom og injury ang driver ug gidala sa Caraga Regional Hospital pinaagi sa Emergency Response Services. Hinuon outpatient lamang ang driver sa motorsiklo. Ang Amerikano nga nag-maneho sa Ford Ranger, ang duha ka sakyanan apil ang injured nga nagmaneho sa motorsiklo silang gidala sa Surigao City Police Station alang na sa ilang mga panagsabot-sabot.