Cagayan De Oro City – Sa nakalabay nga semana, gilagdaan ni Mayor Oscar Moreno sa Cagayan de Oro ang letter of intent sa usa ka supplier sa pag-order sa 100,000 ka doses sa vaccines alang sa syudad taliwala pa man sa report nga ang syudad makadawat sa bahin sa COVID-19 vaccines gikan sa nasudnong kagamhanan. Bisan pa man nga wala nganli ang bakuna nga paliton sa City Hall apan nahauna nang gibutyag sa City Hall nga sila nakakutay sa suppliers sa Astra Zeneca vaccine.
Sa pikas bahin, wala pa usab hisayri kon unsa nga bakuna ang madawatan sa syudad gikan sa national government, hinuon ang first batch sa CoronaVac vaccines gimanufacture sa Chinese pharmaceutical company Sinovac nga gikatahong nahidangat niadtong Domingo, Pebrero 28.
Gibutyag usab ni Mayor Moreno nga ang Johnson and Johnson haduol na usab nga makakuha sa emergency use authorization (EUA) gikan sa US Food and Drug Administration alang sa ilang one-dose vaccine.
(Gin Serohijos, RPN DXKO CdO OIC | CDO Infonet Group)