Hindi nakalahok si PhilHealth President Ricardo Morales sa ikatlong pagdinig ng senado ukol sa umano’y katiwalian sa PhilHealth.
Sa sulat na ipinadala nito Senate President Vicente ‘Tito’ Sotto III, sinabi ni Morales na siya ay naka medical leave alinsunod sa payo ng kanyang doktor
Nakapaloob din sa sulat na medical leave si Morales mula kahapon August 17 hanggang August 28, bagay na inaprubahan naman ni Health Secretary at PhilHealth Board Chairman Francisco Duque III.
Nakasaad din sa sulat ni Morales na nakatalaga bilang OIC ng PhilHealth si Arnel De Jesus, Executive Vice President and Chief Operating Officer ng PhilHealth ngunit hindi rin ito sumipot sa isinagawang pagdinig kahapon.
Paliwanag naman ni De Jesus, ay may naka-schedule umano siyang medical follow up, check up na resulta raw ng emergency procedure na isinagawa sa kanya kamakailan.
Samantala, hindi rin dumating ang mga kalihim ng DSWD, DOLE, DBM at DOF na pawang mga miyembro ng PhilHealth board.